SpedAims Váibmogiella dutkanprošeavttas háliidit mii guorahallat eambbo movt mii iešguđet láhkái sáhttit doarjut sámi mánáid, gielalaš, fágalaš ja sosiálalaš oahppan- ja ovdánanvejolašvuođaid Norggas. Guorahallan fátmmasta mánáid sihke davvisámegielat, julevsámegielat ja lullisámegielat birrasiin ja regiovnnain. Das leat sihke kvalitatiiva ja kvantitatiiva iskkadeamit, ja mii galgat čuovvut hui olu mánáid miehtá riikka daid maŋemus jagiid mánáidgárddis ja viidáseappot skuvllas.
Háliideahppi go doai du mánáin searvat?
Jus searvvat SpedAims Váibmogillii de juogadat minguin mávssolaš dieđuid. Dieđuid movt máná giellamáhttu ovdána, ja mii dan ovdáneapmái váikkuha. Dáid dieđuid bokte sáhttit ovdánahttit ja nannet sin oahppofálaldagaid, ja sáhttit maiddai árrat identifiseret sin geat dárbbašit liige heiveheami.
Dieđut SpedAims Váibmogiella birra
Iskkadeamit
movt mii sáhttit doarjut sámegielat mánáid gielalaš, fágalaš ja sosiálalaš oahppan- ja ovdánanvejolašvuođaid.
Ovttasbargu
SpedAims ja gielddaid gaskkas main leat sámegielat mánát miehtá riikka.
Ruđa
leat Norgga dutkanráđđi ja buot doaibmaoasálašásahusat juolludan.
Mii dárbašat máhtolašvuođa
Eanas dutkan dan birra mii doarju smávva mánáid skuvlafágalaš ovdáneami ii leat dássážii fátmmastan sámegielat mánáid. Vaikko mis gávdnoge dutkan sámegiela birra, de lea dárbu máhttui movt mánát ovdánahttet iežaset gielalaš gelbbolašvuođa. Dakkár máhttu lea dehálaš diehtin dihte movt mánáidgárdi ja skuvla sáhttet doarjut buori gielalaš ovdáneami vuođđun skuvlafágalaš oahppamii ja addit buori earenoamášpedagogalaš doarjaga árrat oahppomannolagas.
Guorahallama ulbmil;
Dán guorahallama ulbmil lea identifiseret skuvlafágalaš ovdáneami árra ovdamanniid sámegielat mánáid gaskkas. Dakkár ovdamannit sáhttet leat čadnon individuála fáktoriidda nugo hupmangielalaš gálggaide ja lohkoipmárdussii. Ovdamannit sáhttet maiddái čadnot struktuvrralaš fáktoriidda Dat sáhttet leat buot gitta sámegielat resurssaid nugo mánáidgárdebargiid ja mánáidgirjjit fidnema rájes gitta váhnemiid vásáhusaide doarjagis ja eastagiin sámegillii ja identitehtii.
Lea maiddái ulbmil ásahit ovttasbarggu iešguhtege aktevrraiguin oahpposuorggis.
Guorahallan veahkeha ovdánahttit reaiddu maid sáhttá atnit sámegielat mánáid ovdánan- ja oahppaneavttuid nannenbarggus.
SpedAims - Senter for spesialpedagogisk forskning og inkludering (Earenomášpedagogalaš dutkama ja searvadahttima guovddáš) lea ovttasbargu gaskal earenoamášpedagogalaš dutkanbirrasiid Oslo Universitehtas, Stavangera universitehtas, Bergena universitehtas, Agdera universitehtas ja Nord universitehtas.
SpedAims Váibmogiella gulahallanolbmot
Kathrin Olsen
Vuosttasamanueansa, Davvi universitehta oahpaheaddjeoahpu ja dáidda- ja kulturfágaid fakultehtas.
Monica Melby Lervåg
Erenoamášpedagogihka Professor Oslo universitehta erenomášpedagogihka fakultehtas.
Veslemøy Rydland
Pedagogihka professor Oslo universitehta pedagogihka instituhtas.
Astrid Knutsdatter Lenvik
Vuosttasamanueansa Bergen universitehta pedagogihka instituhtas.
Bjørg Mari Hannås
Pedagogihka Professor, Davvi universitehta oahpaheaddjeoahpu ja dáidda- ja kulturfágaid fakultehtas.
Karianne Berg
Vuosttasamanueansa, Davvi universitehta oahpaheaddjeoahpu ja dáidda- ja kulturfágaid fakultehtas.
Camilla Porsanger
Stipendiáhtta, Davvi universitehta oahpaheaddjeoahpu ja dáidda- ja kulturfágaid fakultehtas.