SpedAims Vájmmogiella – Sámegielak mánáj oahppam ja åvddånahttem Vuonan
Dutkamprosjevtan SpedAims Vájmmogiella sihtap gávnadit gåktu máhttep doarjjot sámegielak mánáj giella, fáhka ja sosiála oahppam- ja åvddånahttemmáhttelisvuodav Vuonan. Dutkam birás nuorttasáme, julevsáme ja oarjjelsáme giellabirrasijt ja guovlojt. Dutkam guosská sihke kvalitatijva ja kvantitatijva guoradusájt, ja galggá tjuovvot stuora lågov mánájs ålles rijkas ietjasa maŋemus jagijs mánájgárden ja skåvlån.
Diehto SpedAims Vájmmogiella birra
Åtsådit
gåktu máhttep doarjjot sámegielak mánáj giella, fáhka ja sosiála oahppam- ja åvddånahttemmáhttelisvuodav.
Aktisasjbarggo
SpedAims ja suohkanij gaskan gænna lij sámegielak máná rijkav miehtáj.
Ruhtadum
Vuona dutkamrádes ja guojmmeinstitusjåvnåjs.
Mij dárbahip lasedit máhtudagáv
Ienemus oasse dutkamis mij doarjjo smáv mánáj åvddånahttemav ja åhpadimev ij la dálátjij sebrudahttám sámegielak mánájt. Juska adnep dutkamav sámegiela hárráj, dárbahip máhtudagáv gåktu dá máná åvddånahttij ietjas sámegielak máhtudagáv. Dákkir máhtudahka la ájnas gå galggá diehtet gåktu mánájgárde ja skåvlå máhtti doarjjot buorre gielalasj, fágalasj ja sosiála åvddånahttemav, gå galggi vaddet buorre sierrapedagåvgålasj doarjov árrat åhpadusmannulagán sámegielak mánájda gudi dárbahi.
Ulmme dutkamijn:
Dutkama ulmme la dåbddåt árra diedjimijt skåvllåfágalasj åvddånahttemij sámegielak mánáj gaskan. Dakkir diedjima máhtti tjanáduvvat ájnegasj faktåvråjda dagu hållamgiellaj ja tálladádjadussaj. Diedjima máhtti duodden tjanáduvvat struktuvralasj faktåvråjda. Dát máhttá liehket duola dagu bessat adnet sámegielak ressursajt dagu mánájgárddeåhpadiddjijt ja mánájgirjijt, jali æjgádij vásádus doarjjos ja hieredimes sáme giella ja identitiehtta hárráj.
Duodde mihttomierre la ásadit aktisasjbargov iesjgeŋgalágásj akterajn åhpadussuorgen.
Dutkam galggá viehkedit åvddånahttemijn ræjdojs ma máhtti aneduvvat bargon nannit åvddånahttem- ja oahppamævtojt sámegielak mánájda.
SpedAims - Senter for spesialpedagogisk forskning og inkludering la aktisasjbarggo sierrapedagåvgålasj dutkambirrasijs Oslo universitehtan, Stavangera universitehtan, Bierguna universitehtan, Agdera universitehtan ja Nuortta universitiehtan.
Guládallamulmutja SpedAims Vájmmogiella
Kathrin Olsen
Vuostasjamanuensas Fakultehtan åhpadiddjeåhpadusás ja dájdda- ja kultuvrrafágas, Nuortta universitiehtan.
Kari Hagatun
Vuostasjamanuensas instituhtan pedagogihkas, Bierguna universitiehtan.
Veslemøy Rydland
Professåvrrå instituhtan pedagogihkas, Oslo universitiehtan.
Astrid Knutsdatter Lenvik
Vuostasjamanuensas instituhtan pedagogihkas, Bierguna universitehtan.
Karianne Berg
Vuostasjamanuensas, Fakultehtan åhpadiddjeåhpadusás ja dájdda- ja kultuvrrafágas, Nuortta universitiehtan.
Camilla Porsanger
Stipendiáhtta, Fakultehtan åhpadiddjeåhpadusás ja dájdda- ja kultuvrrafágas, Nuortta universitiehtan.