Retningsliner for bruk av generativ KI i emne på lærarutdanninga ved ILS

Som student skal du følgje UiO sine grunnreglar for bruk av kunstig intelligens (KI)

• Bruk KI som støtte, ikkje som erstatning for eige arbeid.
• Vis tydeleg når og korleis du har brukt KI.
• KI kan vere eit supplement for å forstå tema, pensum og terminologi, men verifiser alltid informasjonen mot pålitelege kjelder.
• Unngå sensitive opplysningar og opphavsrettsbeskytta materiale i KI-verktøy utan godkjenning. Sjå meir om juridiske føringar og etiske refleksjonar.

Godkjende KI-verktøy

UiO har ei oversikt over kva KI-verktøy som er godkjende til forskingsformål, og kva type data som kan behandlast i desse.

Dette kan du bruke KI til i arbeid med oppgåver på lærarutdanninga ved ILS:

•  Idéutvikling

•  Korrektur/språkvask

• Omsetjing

• Biletgenerering

Hugs at KI berre skal brukast som støtte, aldri som erstatning for eige arbeid. Du er sjølv ansvarleg for alle delar av arbeidet med oppgåva. Dersom du vel å bruke KI til korrektur og omsetjing, skal dette alltid kontrollerast av deg. Dersom du bruker KI-forslag til transkripsjon, må du også sjølv gå systematisk gjennom lyd-/videodata, både for å rette opp eventuelle feil i transkripsjonen og for å gjere deg kjend med data. 

Dette kan du ikkje bruke KI til i arbeid med oppgåver på lærarutdanninga ved ILS

• Generere tekst som blir brukt direkte i oppgåva utan tilarbeiding
• Analyse av forskingsdata